Qazaqstandyq avtokólikterdiń baǵasyna ýtılızatsııalyq alym qosylmaıdy
Onyń esesine, otandyq kásiporyndar Eýrazııalyq ekonomıkalyq odaq zańnamasynda qarastyrylǵan shekteýler boıynsha kedendik tólemder men ýtılızatsııalyq alymdardan bosatyldy, dep habarlaıdy QazAqparat QR ındýstrııa jáne ınfraqurylymdyq damý mınıstrliginiń baspasóz qyzmetine silteme jasap.
Baspasóz qyzmetiniń málimetterine qaraǵanda, ýtılızatsııalyq alymnan bosatylǵan árbir avtokóliktiń birdeı (ıdenttik) somasyn qaıtarý jáne ony tóleý mehanızmi arqyly júzege asyrylady.
Búgingi tańda birqatar buqaralyq aqparat quralynda «Allıýr» kompanııalar tobyna 2019 jyly 21,3 mlrd teńge, 2020 jyly 40,8 mlrd teńge kóleminde memlekettik sýbsıdııa berilgendigi týraly rastalmaǵan aqparat jarııalandy.
«Óndirýshilerdiń mindettemelerin oryndaý jónindegi basty operator retinde «Jasyl damý» AQ belgilengen bolatyn. Atalǵan kompanııadan «Halyqaralyq qarjylyq eseptilik standarty (IAS) 20» negizinde ýtılızatsııalyq alymdy qaıtarý «Memlekettik sýbsıdııa» dep atalady. Bul uǵym aýdıtorlar arasynda osylaı dep atalady. Osyǵan oraı BAQ ókilderi arasynda túsinbestik týyp, nátıjesinde qate aqparat jarııalandy»,-delingen habarlamada.
Joǵarydaǵy soma ýtılızatsııalyq alymnan bosatylǵan óndirýshi kompanııanyń buǵan deıin «Jasyl damý» kompanııasyna tólegen qarjysy bolyp tabylady.
Búgingi tańda QR Indýstrııa jáne ınfraqurylymdyq damý mınıstrliginde otandyq óndirýshi kásiporyndardy ýtılızatsııalyq alymnan «tólem-qaıtarý» mehanızmi arqyly emes, ony tikeleı iske asyrýdy qarastyratyn zańnama jetildirilýde.
Taǵy bir aıta keterligi, qazaqstandyq avtokólik óndirýshi kásiporyndardan ýtılızatsııalyq alymnyń alynbaýyna baılanysty elimizde shyǵarylǵan kólik baǵasyna ýtılalym qosylmaıdy.
