Qazaqstandyq aýyr salmaqtaǵy boksshy Baloev NABF belbeýin ıelendi

ASTANA. QazAqparat - Qazaqstandyq boksshy Alı Baloev (5-0, 4 KO) kásibı rıngtegi altynshy jekpe-jegin ótkizdi, dep habarlaıdy Sports.kz.

Ol birinshi aýyr salmaqtaǵy segiz raýndtyq aıqasta amerıkalyq boksshy Rıchard Ýrkısomen (3-4-2, 1 KO) baq talastyrdy. Jekpe-jek Ostındaǵy (AQSh, Tehas shtaty) Austin Sports Center oıyn-saýyq kesheninde ótti. Bul kezdesýde Baloev  jeńiske jetip, óz dıvızıonynda bos turǵan NABF «jasóspirimder» belbeýin ıelendi. Bul Alıdiń kásibı bokstaǵy altynshy jeńisi, al onyń qarsylasy besinshi ret jeńilis tapty.

Baloev munyń aldynda 3 apta buryn, 7 shildede Astanada ázerbaıjandyq Kazım Ýmýdovty (2-1, 1 KO) birinshi raýndta nokaýtqa jibergen edi.