Qazaqstandyq aýyr atletter Tashkentte ótip jatqan Azııa chempıonatyna qatysýda
AShKENT. Sáýirdiń 9-y. QazAqparat /Qurmat Samarhan/ - Tashkenttegi «Ózbekstan» sport kesheninde jasóspirimder men jastar arasynda aýyr atletıkadan Azııa chempıonaty bastaldy.
Jarysta 1993-1994 jyldary týǵan bozbalalar men boıjetkender aǵymdaǵy jyly tamyz aıynyń 14-26-sy aralyǵynda Sıngapýrde ótetin jastardyń І Olımpıadalyq oıyndarynyń joldamalaryn sarapqa salady.
Baıraqty básekege álemniń 24 elinen 200-den astam sportshy qatysýda. Atap aıtqanda, olardyń qatarynda Qytaı, Japonııa, Ońtústik Koreıa, Bangladesh, Katar, Koreıa Halyqtyq-Demokratııalyq Respýblıkasy, Malaızııa, Sıngapýr, Sırııa, Taıland jáne t.d. elderdiń ókilderi bar.
Qazaqstannyń atynan chempıonatqa Azamat Rymqulov (56 keli), Vladımır Abramov (50 keli), Erbolat Jolamanov (56 keli), Rústem Sýbaı (77 keli), Bolat Ydyrysov (85 keli), sondaı-aq Gúlzıra Bekisheva (53 keli), Ásem Sársekenova (53 keli), Jazıra Japarkúl (69 keli), Anna Nurmuhambetova (69 keliden joǵary.), Mádına Tashkenbaeva (58 keli), Saýle Sádýaqasova (63 keli) jáne Anastasııa Shvabaýer (63 keli) qatysady.
Chempıonat sáýirdiń 16-syna deıin sozylady.
