Qazaqstandyq aýyr atletter taǵy bir «altyn» men «qolany» jeńip aldy - aýyr atletıkadan Azııa chempıonaty
TAShKENT. Sáýirdiń 12-si. QazAqparat /Qurmat Samarhan/ - Jasóspirimder men jastar arasyndaǵy aýyr atletıkadan Azııa chempıonatynyń úshinshi kúni Qazaqstannyń ulttyq quramasy taǵy bir altyn jáne qola medaldarmen tolyqty.
Jeksenbi kúni, sáýirdiń 11-inde Qazaqstan quramasynyń eki aýyr atleti óner kórsetti. Ońtústik Qazaqstan oblysynyń ókili Bolat Ydyrysov 85 kılá salmaqta altyn medalǵa ıe boldy.
Sondaı-aq qyzylordalyq Rústem Sýbaı (77 kılá) qola medal ıegeri atandy.
Búgin tústen keıin qazaqstandyq sportshy qyzdar Jazıra Japargúl (69 kılá) men Anna Nurmuhambetova (69 kıládan joǵary) alańǵa shyǵady.
QazAqparat buǵan deıin habarlaǵanyndaı, bul kúnderi Tashkenttiń «Ózbekstan» sport kesheninde 24 elden 200-den astam aýyr atletter qatysyp jatqan jasóspiirimder men jastar arasynda aýyr atletıkadan Azııa chempıonaty ótýde. Búginde Qazaqstan jasóspirimderiniń qorjynynda eki altyn jáne bir qola medal bar.
