Qazaqstandyq aýyr atletter Maııa Maneza men Vıacheslav Ershov jýyrda sábıli bolady
ASTANA. 24 mamyr. QazAqparat - Qazaqstandyq aýyr atletter Maııa Maneza men Vıacheslav Ershovtyń otbasy alǵashqy sábıleriniń dúnıege kelýin kútip, ata-ana atanýǵa daıyndalýda.
Bul týraly Vesti.kz saıtyna London olımpıadasy chempıonynyń jubaıy aıtyp bergen.
«Iá, biz ul kútip júrmiz. Maııanyń jaǵdaıy jaqsy. Ázirge ony almatylyq mamandar qadaǵalaýda, biraq qaıda bosanpatynyn biz áli sheshken joqpyz», - dep atap ótti V.Ershov.
Sondaı-aq, ol otbasy ulynyń atyn ázirge tańdamaǵanyn da aıtty: «Aldymen, onyń dúnıege kelgenin kútemiz, sodan keıin oılanarmyz».
Aýyr atletterdiń balasy ata-anasynyń jolyn qýady dep kútýge bola ma? - degen ǵalamtordaǵy suraqqa V.Ershov: «Árıne, ulymyz sportpen shuǵyldanatyn bolady, biraq, biz ony aýyr atlet bolsyn dep kóndirmeımiz, jáne ondaı sheshim qabyldasa, aınytpaımyz da. Bálkim, ol sporttyń basqa túrin tańdaıtyn shyǵar, bálkim, tipti, óz jolymen ketetin shyǵar. Bastysy, ol aman-esen dúnıege kelsin, sosyn kóremiz», dep jaýap berdi.
