Qazaqstandyq aýyr atletter halyqaralyq jarystan ekinshi oryn aldy
NUR-SULTAN. QazAqparat – Reseıdiń Orynbor oblysynda aýyr atletıkadan ótken halyqaralyq ashyq kýbokta Qazaqstan quramasy ekinshi oryndy jeńip aldy, dep habarlaıdy QazAqparat tilshisi.
QR Aýyr atletıka federatsııasy habarlaǵandaı, atalǵan halyqaralyq jarysqa Qazaqstannan Aqtóbe, Batys Qazaqstan men Qostanaı oblysynan 3 komanda qatysty.
Nátıjesinde, birikken Qazaqstan quramasy jarys ıelerine bir upaı ese jiberip, ekinshi oryndy jeńip aldy.
Jarysta 89 kg-ǵa deıingi salmaqta synǵa túsken qostanaılyq Renat Baýdarbekov 402 upaıdy baǵyndyryp, aıýsolıýtti chempıon atandy. Al áıelder arasynda «Jas Qýat» baǵdarlamasynyń stıpendıaty Araılym Janet 64 kg salmaqta absolıýtti chempıon atandy.
Qazaqstannyń birikken qurama komandasynyń jarys nátıjeleri tomendegideı:
Aıan Baızaqov (Qostanaı) - 1 oryn (73 kg)
Erjan Jumaǵulov (BQO) - 1 oryn (81 kg)
Gleb Gavrılov (Aqtóbe) - 1 oryn (109 kg) - «Jas Qýat» baǵdarlamasynyń stıpendıaty.
Serjan Hamıdolla (BQO) - 3 oryn (55 kg)
Danagúl Ýrasheva (BQO) - 3 oryn (59 kg)
Nurjan Qojın (Aqtóbe) - 3 oryn (67 kg) - «Jas Qýat» baǵdarlamasynyń stıpendıaty.
