Qazaqstandyq aýyr atletter Azııa chempıonatynda óner kórsetýde
TAShKENT. Sáýirdiń 10-y. QazAqparat /Qurmat Samarhan/ - Qazaqstandyq jas sportshylar Tashkentte ótip jatqan jasóspirimder men jastar arasyndaǵy aýyr atletıkadan І Azııa chempıonatynda óner kórsetýde.
Qazaqstannyń jasóspirimder quramasynyń aǵa jattyqtyrýshysy Leonıd Dıgaıdyń aıtýynsha, temirtaýlyq Vladımır Abramov (50 kelige deıingi salmaqta) julqı kóterýde -85 keli, serpı kóterýde - 95 keli kórsetkishpen besinshi oryn ıelendi. Al almatylyq Azamat Rymqulov (56 keli) julqı kóterýde -97 keli, serpı kóterýde - 116 keli salmaqty baǵyndyryp altynshy oryndy qanaǵat tutty. Qyzylordalyq Erbolat Jolamanov osy salmaqta julqı kóterýde -96 keli, serpı kóterýde - 120 keli kórsetkishpen besinshi orynǵa taban tiredi.
Búgin, senbi kúni 53, 58 jáne 63 keli salmaq sanattarynda qazaqstandyq sportshy qyzdar óner kórsetedi.
Baıraqty básekege álemniń 24 elinen 200-den astam sportshy qatysýda. Atap aıtqanda, olardyń qatarynda Qytaı, Japonııa, Ońtústik Koreıa, Bangladesh, Katar, Koreıa Halyqtyq-Demokratııalyq Respýblıkasy, Malaızııa, Sıngapýr, Sırııa, Taıland jáne t.d. elderdiń ókilderi bar.
Chempıonat sáýirdiń 16-syna deıin sozylady.
