Qazaqstandyq aýyr atletter álem chempıonatynda tórtinshi altyn medal aldy
NUR-SULTAN. QazAqparat – Qazaqstandyq Nıkıta Abdrahmanov aýyr atletıkadan jasóspirimder arasyndaǵy álem chempıonatynda altyn medalǵa qol jetkizdi, dep habarlaıdy QazAqparat tilshisi.
Meksıkanyń Leon qalasynda ótip jatqan dúbirli dodada ol 102 keli salmaqta baq synady. Qossaıystyń qorytyndysymen sportshymyz 348 (157+191) kelini kóterdi.
Kúmis medal ózbekstandyq Kýdratbek Salımjonovqa buıyrsa, úzdik úshtikti túrkııalyq Bakı Ketmet túıindedi.
Bul – qazaqstandyq sportshylardyń álem chempıonatynan alǵan tórtinshi altyn medali.
Eske salsaq, budan buryn el quramasynan Denıs Polýboıarınov (81 keli), Edige Emberdi (73 keli) jáne Erasyl Sáýlebekov (67 keli) jeńis tuǵyryna kóterildi.
