Qazaqstandyq aýyr atletter 10 medalge ıe boldy: 3 altyn, 3 kúmis jáne 4 qola
AShKENT. Sáýirdiń 15-i. QazAqparat /Qurmat Samarhan/ - Jasóspirimder men jastar arasyndaǵy aýyr atletıkadan Azııa chempıonatynda Qazaqstan qorjyny taǵy bir-birden altyn men kúmis medalge tolyǵa tústi.
Sáýirdiń 15-i kúni túske deıin jarys alańyna shyqqan qazaqstandyq aýyr atlet Aleksandr Zaıchıkov (85 keli) julqa kóterýde 144, al serpe kóterýde 174 kelini baǵyndyryp, altyn medal oljalady.
Al 94 kelide óner kórsetken taǵy bir qazaqstandyq aýyr atlet Ibragım Bersanov birinshi jattyǵýda 160, ekinshisinde 185 keli salmaq kóterip, kúmis medalǵa ıe boldy.
Qazaqstan ulttyq quramasy jastarynyń enshisinde 5 medal, atap aıtqanda, 1 altyn jáne ekiden kúmis pen qola bar. Al jalpy alǵanda Azııa chempıonatynda qazaqstandyq sportshylar 10 medalge ıe boldy. Onyń 3-eýi altyn, 3-eýi kúmis, 4-eýi qola.
