Qazaqstandyq aýyr atletshiler Qytaıda ótetin Jasóspirimder olımpıadasyna tórt lıtsenzııa jeńip aldy
TAShKENT. 14 sáýir. QazAqparat - Qazaqstan quramasy aýyr atletıkadan 17 jasqa deıingi uldar men qyzdar arasyndaǵy álem chempıonatynda bes medal jeńip aldy.
Alty kún boıy qazaqstandyq aýyr atletshiler álemniń 40-tan astam elinen jınalǵan sportshylarmen baq talastyrdy.
Jarystar qorytyndysy boıynsha, otandyq komanda eki altyn, bir kúmis jáne eki qola medal enshiledi. Atap aıtqanda, «altyn» Albert Lınder (69 keli) men Nadejda Nogaıǵa (69 keliden joǵary), «kúmis» Aıat Ámirbekovke (77 keli) jáne «qola» Mıhaıl Makeev (62 keli) pen Zelimhan Ábýbákirovke (94 keliden joǵary) buıyrdy.
Uldar komandasy jalpykomandalyq úshinshi oryndy ıelenip, 2014 jyly Qytaıdyń Nankın qalasynda ótetin ІІ Jasóspirimder olımpıadasyna eki lıtsenzııa jeńip aldy. Qyzdar komandalyq birinshilikte altynshy orynǵa taban tirep, Qytaıdaǵy atalmysh jarystarǵa sondaı-aq eki joldamany qanjyǵalaryna baılady.
