Qazaqstandyq aýyr atletshiler Álem chempıonatyn sátsiz bastady
ALMATY. 8 mamyr. QazAqparat - Osy kúnderi Perýdiń Lıma qalasynda aýyr atletıkadan jastar arasynda Álem chempıonaty ótýde.
Keshe 63 kelige deıingi salmaq dárejesinde Qazaqstan atynan jarys jolyna alǵashqy bolyp shyqqan Karına Gorıcheva úmitti aqtaı almady. Onda 222 kelini baǵyndyrǵan qytaılyq ıÝnı Chen (Yinyi Shen) chempıon atansa, odan bir keli qalyp qoıǵan rýmynııalyq Madalına Bıansa Molıe - kúmis, al 204 kelini kótergen ýkraındyq Nadıa Shıbısova qola júldeger atandy.
Búgin, 8 mamyr kúni 69 kelige deıingi sportshylar arasynda el namysyn Jazıra Japarqul qorǵaıtyn bolady. Bul salmaq dárejesinde 12 eldiń 18 atleti baq synamaq. Al erteń 75 keli salmaqta qazaqstandyqtardyń sońǵy úmitkeri Anastasııa Shvabaýer óner kórsetedi. Onda 7 memlekettiń 11 sportshysy ózara saıysqa túsedi.
Jalpy 3-10 mamyr kúnderi ótetin bul dúbirli doda bıyl qyzdar arasynda 19-shy, al bozbalalar arasynda 39-shy ret jalaýyn kóterip otyr. Oǵan 52 elden erler arasynda segiz salmaq dárejesi boıynsha - 145, al áıelder arasynda jeti salmaq dárejesi boıynsha - 100 atlet qatysýda. Qazaqstan bıylǵy jarysqa úsh boıjetkendi ǵana qosyp otyr.
