Qazaqstandyq aýyr atlet jasóspirimder arasynda álem chempıony atandy
ASTANA. QazAqparat - Albanııanyń Býrdesı qalasynda aýyr atletıkadan jasóspirimder arasynda ótip jatqan álem chempıonatynda qazaqstandyq Nıkıta Abdrahmanov jeńimpaz atandy, dep habarlaıdy QazAqparat tilshisi.
«Sportty damytý dırektsııasy» RMQK-nyń baspasóz qyzmetinen túsken málimetke qaraǵanda, N.Abdrahmanov 102 kelige deıingi salmaqta top jardy.
Qazaqstandyq aýyr atlet qossaıys qorytyndysynda 369 (164+205) kg nátıje kórsetti.
Dúnıejúzilik dodaǵa álemniń
57 elinen 268 sportshy qatysýda.
Eske sala keteıik, budan buryn qazaqstandyqtyń aýyr atletıkadan álem chempıonatynyń kúmis júldegeri atanǵanyn jazǵan bolatynbyz.
