Qazaqstandyq aýyr atlet V. Sedov ta dopıng daýyna ilikti
ASTANA. QazAqparat - QR UOK-ge Vladımır Sedovtyń dopıng-synamasynan tyıym salynǵan zattyń bar ekeni týraly eskertilgen hat keldi, dep jazady ProsportKz.kz.
Tyıym salynǵan zattar Beıjińdegi 2008 jylǵy Olımpıada oıyndarynda alynǵan saraptamalardan tabyldy. Eske sala keteıik, Vladımır Sedov ol kezde 85 kg deıingi salmaq dárejesinde tórtinshi orynǵa ıe bolǵan edi.
Tergeý qorytyndysy Vladımır Sedovtyń «A» synamasynan stanozolol bolǵanyn kórsetti. Kelesi aptada «B» synamasy tekseriledi.
Atap ótý kerek, 2006 jyly Aýyr atletıka boıynsha halyqaralyq federatsııa (IWF) Sedovty sporttyq qyzmetten shettetken. Ol kezde qazaqstandyq shtangashy 2008 jyldyń 18 mamyryna deıin jazasyn ótedi.
Sondaı-aq Marııa Grabovetskaıanyń 2008 jylǵy Olımpıadasyndaǵy synamadan da tyıym salynǵan zat tabyldy. Grabovetskaıa ol oıyndarda qola medalǵa ıe bolǵan.
