Qazaqstandyq aýyr atlet álem chempıonatynyń kúmis júldegeri atandy
ASTANA. QazAqparat – Qazaqstandyq Nurdos Sabyr jasóspirimder arasynda aýyr atletıkadan Albanııanyń Dýrres qalasynda ótip jatqan álem chempıonatynda kúmis júldeger atandy, dep habarlaıdy QazAqparat tilshisi.
«Sportty damytý dırektsııasy» RMQK-nyń baspasóz qyzmetinen málim etkenindeı, qazaqstandyq aýyr atlet 89 kelige deıingi salmaqta baq synady.
Qossaıys qorytyndysynda Nurdos 321 kelini (145+176) baǵyndyryp, kúmiske ıe boldy. Ol julqa kóterýde jeńimpaz atansa, serpe kóterýde 2-orynnan kórindi.
Barlyǵy 57 elden 268 aýyr atlet qatysyp jatqan álem birinshiliginde buǵan deıin Erasyl Sáýlebekov 73 kelige deıingi salmaqta (137+168) 305 kg nátıjemen chempıon atanǵan edi.
Eske sala keteıik, budan buryn aýyr atletıkadan álem chempıonatynda Taısııa Alekseevanyń kúmis alǵanyn jazǵan bolatynbyz.
