Qazaqstandyq aýyr atlet álem chempıonatynyń qola júldegeri atandy
ASTANA. QazAqparat - Ashhabadta aýyr atletıkadan ótip jatqan álem chempıonatynda qazaqstandyq Nadejda Lıhacheva qola júldeger atandy, dep habarlaıdy QazAqparat tilshisi.
N.Lıhacheva 71 kg salmaqta qossaıys qorytyndysynda 242 kg (112+130) nátıje kórsetip, úzdik úshtikti túıindedi.
Bul salmaqta qytaılyq Van Lı Chjan álem rekordyn jańartyp, 267 kg (115-152) kórsetkishpen altyn medaldi jeńip aldy. Mysyrlyq Sara Ahmed 252 kelimen (111+141) ekinshi orynda.
Aýyr atletıkadan Qazaqstan quramasynyń bas bapkeri ıÝrıı Melnıkov 23 jasar N.Lıhachevanyń osynaý tabysyn eseleı túse alatyn múmkindigi bar ekenin jetkizdi. 71 kg olımpıada baǵdarlamasyna enbeıdi. Sondyqtan Nadejdany Tokıo olımpıadasyna 64 kg salmaqta daıyndaý kózdelýde.
Aıta keteıik, bul - Qazaqstan quramasynyń Ashhabadtaǵy ekinshi medali. Buǵan deıin Arlı Chonteı 55 kg salmaqta kúmis júldeni enshilegen bolatyn.
