Qazaqstandyq áýekompanııalar jańa ushaqtar satyp alýda
ASTANA. QazAqparat - Qazaqstandyq áýe kompanııalar áýe parkin jańartý boıynsha belsendi jumystar atqarýda. Bul týraly QR IDM Azamattyq avıatsııa komıtetiniń Feısbýktegi paraqshasynda habarlandy.
«Eır Astana» áýe kompanııasy halyqaralyq lızıngtik kompanııalarmen alty jańa Airbus A320neo ushaǵyn jetkizip berý kelisimshart jasasty. Tapsyrys úsh «Airbus A320neo» jáne úsh «Airbus A321neo» áýe laınerlerine berilgen. Tapsyrys 2019 jyldan 2020 jylǵa deıingi kezeńde oryndalady. Osylaısha, 2020 jylǵa deıin áýe tasymaly flotyndaǵy «Airbus A320neo» ushaǵynyń sany 17 danaǵa jetetin bolady», delingen habarlamada.
Sonymen qatar, Birikken Arab Ámirlikterinde ótken «Dubai Airshow 2017» aeroǵaryshtyq kórmesiniń aıasynda otandyq SCAT áýe kompanııasy alty «Boeing 737 MAX 8» ushaǵynyń tapsyrys berý shartyna qol qoıdy.
