Qazaqstandyq atletter Ispanııada ótetin álem chempıonatyna qatysady
ASTANA. QazAqparat - Qazaqstandyq 7 jeńil atlet Ispanııanyń Valensııa qalasyna oqý-jattyǵý jıynyna attanyp ketti, dep habarlaıdy QazAqparat QR Jeńil atletıka federatsııasyna silteme jasap.
Federatsııanyń haıýarlaýynsha, bul sporttyq jıyn 24 naýryzǵa deıin jalǵasady. Sosyn 24 naýryz kúni Valensııada jartylaı marafonnan álem chempıonaty ótedi. Qazaqstannan bul jıynǵa 5 er, 2 áıel marafonshy qatysady. Atap aıtsaq, Alekseı Gýsarov, Artem Kosınov, Janna Mamajanova, Dana Aıdosova (bári de - Almaty), Andreı Leımenov, Ámir Baıtuqanov (ekeýi de - ShQO) jáne Mıhaıl Krasılov (Jambyl oblysy) bar.
Sportshylardy almatylyq bapker Mıhaıl Sorokıvskıı bastap ketti. Sosyn olardyń qataryna ulttyq quramanyń bas bapkeri Grıgorıı Egorov pen shydamylyq boıynsha aǵa bapker Artem Jıgalov qosylady dep kútilýde.
Osy 7 jeńil atlettiń arasynda marafonǵa júgirip júrgen eń tájirıbeli atlet dep, Andreı Leımenov pen Mıahıl Krasılovty aıtýǵa bolady.
Al Artem Kosınov buǵan deıin 3 000 metrge kedergiler arqyly júgirýmen aınalysqan, halyqaralyq dárejedegi sport sheberi. Azııa chempıonatynda júlde alǵan. Qazirgi kezde Kosınov bapkerlik jumyspen aınalysyp júr. Byltyrǵy jyly Dýshanbede ótken jartylaı marafonǵa qatysqan. Bapkerlik jumysqa bet burǵandardyń biri - Ámir Baıtuqanov.
Sorokıvskııdiń shákirtteri Alekseı Gýsarov men Janna Mamajanova buryn uzaq qashyqtyqqa júgirgen bolatyn. Sońǵy kezderi marafonǵa aýysyp, óz kúshterin synap júr. Dana Aıdosova bolsa, buryn sporttyq júrispen aınalysqan.
Aıta keteıik, álem chempıonaty qarsańynda bularǵa tanymal marafonshylar Gúljanat Janatbek pen Elena Nanazıashvılı qosylady.
