Qazaqstandyq atletshi Denıs Ýlanov RF Prezıdenti Kýbogynda kúmis ıelendi
ASTANA. QazAqparat - Groznyı qalasynda ótip jatqan aýyr atletıkadan Reseı Federatsııasy Prezıdentiniń Kýbogy úshin besinshi halyqaralyq týrnırde 94 kelige deıingi salmaqta qazaqstandyq Denıs Ýlanov kúmis júldeni ıelendi.
Osy salmaqta bizdiń elden tórt sportshy qatysqan bolatyn, olar - Denıs Ýlanov, Ermek Ómirtaı, Rústem Sybaı, Semen Lınder.
Aıta ketý kerek, Denıs Ýlanov serpe kóterýde 219 kelini kóterip, kishi altyn medalǵa ıe boldy.
Alaıda, Reseı sportshysy qos saıys boıynsha (julqa kóterýde - 178; serpe kóterýde - 219) Adam Malıgov birinshi oryndy ıelendi. Jerlesterimizden 378 (166+212) kelini eńsergen Rústem Sybaı 4-shi oryn alsa, Ermek Ómirtaı (350 keli) 9-shy jáne Semen Lınder (312 keli) 12-shi orynǵa turaqtady.
Eske salaıyq, bul jarysta áıelder arasynan qazaqstandyq aýyr atletshi Svetlana Podobedova da RF Prezıdenti kýbogynyń kúmis júldegeri atanǵan edi.
