Qazaqstandyq atlet Olımpıada lıtsenzııasyn jeńip aldy

NUR-SULTAN. QazAqparat –Antalıa qalasynda sporttyq júristen Túrkııanyń ashyq chempıonaty aıaqtaldy. Qazaqstandyq Aıman Ratova týrnırdiń qola júldegeri atandy dep habarlaıdy Olympic.kz.

Aıman Ratova 20 shaqyrymǵa sozylǵan jarysta máre syzyǵyn úshinshi bolyp kesti. Ol 1:29:31 ýaqyt kórsetkishin tirkep, 2020 jylǵy Olımpıada oıyndaryna irikteý normatıvin oryndady.

Birinshi oryndy ýkraınalyq Olena Sobchýk, ekinshi oryndy túrkııalyq Merıem Bekmez ıelengen.

Aıta ketelik, Ratovanyń normatıvin qosa eseptegende, Qazaqstan quramasynda 14 sport túrinen 28 lıtsenzııa bar.