Qazaqstandyq atlet gir kóterýden álem chempıony atandy
KÓKShETAÝ. QazAqparat – Aqmola oblysy Sandyqtaý aýdanynyń sportshylary gir kóterý sportynan álem chempıonatynda bir altyn jáne bir qol medal ıelendi, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń málimetinshe, Vengrııada gir sportynan álem chempıonaty ótip jatyr. Baıraqty jarysqa álemniń 32 elinen eń myqty atletter qatysýda. Onyń ishinde Aqmola oblysy Sandyqtaý aýdanynyń sportshylary úzdik nátıje kórsetip, eki medal jeńip aldy.
«Andreı Dýlın 63 keli salmaq dárejesinde chempıon atansa, 95 kelide synǵa túsken Vladımır Prohorov qola júldeger atandy. Sportshylar bapkeri Sergeı Prohorovtyń jetekshiligimen jattyǵady», - dedi vedomstvonyń baspasóz hatshysy Mahabbat Bolshına.
