Qazaqstandyq ÁTK jaýyngerlik korabli teńiz bıatlonynda ekinshi oryndy qanjyǵasyna baılady

ASTANA. QazAqparat - Kaspıı teńiziniń sý aıdynynda «Kaspıı teńizi - 2015» alǵashqy halyqaralyq teńiz daǵdysy baıqaýy máre syzyǵyna kelip jetti, dep habarlady QR QM baspasóz qyzmeti.

«Saryarqa» qazaqstandyq zymyran-artıllerııalyq korabliniń ekıpajy saıysta ekinshi oryn aldy. Birinshi oryndy «Grad Svııajsk» shaǵyn artıllerııalyq korablindegi Reseı ÁTK áskerı teńizshileri enshilese, úshinshi oryndy Ázerbaıjan ÁTK «G-124» sýústi korabliniń ekıpajy mise tutty.

Jerebege sáıkes, bizdiń komandamyzǵa baıqaýdyń árbir synaǵyn birinshi bastaý tapsyrmasy buıyrdy. Alaıda, birinshi bolyp óner kórsetip, teńizshilerimiz qalǵan komandalarǵa jaqsy deńgeı jáne qarqyn berdi jáne saıys boıy kóshbasshylyq pozıtsııalardyń birin ustap turdy.

Olar korabldi basqarý, halyqaralyq júıege sáıkes jaryq berý belgilerin qabyldaý jáne taratý, áýe, teńiz jáne sýústi nysanalary boıynsha oq atý, apatqa ushyraǵan korabldi jáne bort syrtynda qalyp qoıǵan jolaýshylardy qutqarýda sheberlikterin kórsetti.

13 tamyzda «Kaspıı teńizi - 2015» baıqaýynyń jeńimpazdaryn marapattaý saltanatty rásimi ótetinin aıta keteıik. Al odan keıin korablderimiz teńizge shyǵyp, qazaqstandyq jaǵalaýǵa jóneltiletin bolady.