Qazaqstandyq astyqtyń eksporttyq geografııasy keńeıe túspek
ASTANA. 30 maýsym. QazAqparat - Un eksportyn damytýdyń negizgi faktorlarynyń biri jańa naryqtardy, onyń ishinde Ońtústik-Shyǵys Azııa elderiniń naryqtaryn ıgerý bolyp tabylady, dep habarlady Qazaqstannyń Dıirmenshiler men naýbaıshylar odaǵynyń prezıdenti Evgenıı Gan pm.kz saıtyna bergen suhbatynda.
Odaq prezıdentiniń pikirinshe, Táýelsizdiktiń ótken 20 jylynda Qazaqstan aýyl sharýashylyǵy óndirisin qalpyna keltirip, astyq pen un eksporty boıynsha kóshbasshy elderdiń qatarynan kórinip otyr.
«Elimizdiń astyq ósirýdegi, bıdaı men undy eksporttaýdaǵy búgingi áleýeti Qazaqstanǵa tutas óńirdiń azyq-túlik qaýipsizdigin qamtamasyz etýge kepil bolady. Meniń pikirimshe, bul osy másele boıynsha kórshilerimizben tájirıbe bólise alamyz»,- deıdi E.Gan.
Ol sondaı-aq, eksportty sýbsıdııalaý jónindegi memlekettik qoldaý tetikterin qoldana otyryp, Qazaqstannyń óz azyq-túlik qaýipsizdigin qamtamasyz etýge bolatynyn atap kórsetti.
Dıirmenshiler men naýbaıshylar odaǵy prezıdentiniń aıtýynsha, un eksportyn damytýdyń negizgi faktorlarynyń biri jańa naryqtardy ıgerý bolyp tabylady. «Biz qazirgi ýaqytta jańa óńirlerdi ıgerýde jáne dástúrli naryqtarǵa ónim jetkizýde un eksportyn sýbsıdııalaý jóninde úlken jumystar júrgizip jatyrmyz.
Jańa naryqtar retinde Ońtústik-Shyǵys Azııa elderiniń naryqtaryn aıtýǵa bolady»,- dep túıindegi óz sózin Evgenıı Gan.
