Qazaqstandyq astyqtyń eksporttyq áleýeti 7,5 mln. tonnany quraıdy - AShM
ASTANA. QazAqparat - Qazaqstandyq astyqtyń eksporttyq áleýeti 7,5 mln. tonna bolady dep topshylanýda. Bul týraly búgin QR Aýyl sharýashylyǵy vıtse-mınıstri Ermek Kósherbaev málim etti.
«Aýa raýynyń qıyndyqtaryna qaramastan, oblystarda shamamen 20 mln. tonna astyq jınalǵan. Bul shamamen gektaryna 13,5 tsentner. Eksporttyq áleýet 7,5 mln. tonna shamasynda dep topshylap otyrmyz», - dedi ol.
Onyń sózi boıynsha, Qytaı Qazaqstan astyǵynyń eksportyna salynǵan shekteýlerdi bıyl alyp tastap otyr. «Qazaqstandyq astyqtyń eksporty ulǵaıa túsedi. Sebebi, biz Qytaı arqyly ońtústik-shyǵys Azııaǵa da bıdaı ótkize alamyz. Jalpy qazaqstandyq kompanııalar, qytaılyq naryqtaǵy úlesterin arttyrmaq. Sonymen qatar ıRanǵa, ary qaraı Parsy shyǵanaǵy elderine astyq jetkizýdi josparlaýda», - dep qosty vıtse-mınıstr.
