Qazaqstandyq áskerıler shartty lańkestik toptyń kózin joıdy (FOTO)
Bul týraly QR Qorǵanys mınıstrliginiń baspasóz qyzmetinen habarlady.
Stsenarıı boıynsha «Astana» ÓńQ bólimderiniń áskerı qyzmetshileri, sondaı-aq oblystyq qorǵanys isteri jónindegi departamentiniń qyzmetkerleri dabyl belgisi boıynsha kóterildi, komandır shartty dıversııalyq toptamany zerdeleý, is-qımyldyń tolyqqandy josparyn qurý, basyp alý men joıýdy júzege asyrý tapsyrmasyn habarlady.
Barlyq operatsııany basqarý arnaıy qurylǵan jedel shtabtan júrgizildi. Qarsylasty barlaý jáne muqııat baqylaǵannan keıin áskerı qyzmetshiler qyzmetkerlermen birlesip berilgen aýdanda áskerı tehnıka men jeke quramdy shoǵyrlandyrdy, qylmyskerlerge shabýyl jasaý jáne basyp alýdy júzege asyrdy. Nátıjesinde operatsııa sátti oryndaldy, al oqý-taktıkalyq oqý-jattyǵýdyń maqsattaryna tolyq kólemde qol jetkizildi.
Bul oqý-jattyǵýdyń ózgesheligi, qalalyqqa barynsha jaqyndatylǵan jaǵdaılarda ótkizildi. Bul kúrdelilik qosady. Shynaıy jaǵdaılarda jaýyngerler qylmystyq toptamany joıyp qana qoımaı, jaýyngerlik is-qımyldardyń qurbany bolýy múmkin beıbit turǵyndardyń qaýipsizdigin qamtamasyz etýi tıis.