Qazaqstandyq áskerıler shańǵymen baǵdarlaýdan Álem chempıonatynyń qola medalin enshiledi
ASTANA. 28 naýryz. QazAqparat - Áskerı qyzmetshiler arasynda shańǵymen baǵdarlaý sportynan ótken Álem chempıonatynda (CISM) Qazaqstannyń qyzdar quramasy estafetalyq saıystarda qola medal enshiledi,
dep habarlaıdy Ulttyq shtattyq komandalar jáne sporttyq rezervi dırektsııasynyń baspasóz qyzmeti.
«Bul osynaý joǵary halyqaralyq deńgeıdegi jarystardaǵy otandyq baǵdarlaýshylardyń úlken jetistigi. Atalmysh sport túri elimizde qarqyndy damyp keledi. Jaqynda Rıdder qalasynda Álem chempıonaty ótti. Sonymen qatar Álem kýboginiń kezeńderi ótkizilýde. Shańǵymen baǵdarlaý 2017 jyly Almatyda ótetin Búkilálemdik qysqy spartakıadanyń baǵdarlamasyna engizilgen», - delinedi dırektsııa taratqan habarlamada.
Qola medal jeńip alǵan komandanyń quramy: Marııa Vlasova, Elmıra Moldasheva jáne Rıana Hasanova.
Atalmysh Álem chempıonaty tórt jylda bir ret Áskerı sporttyń halyqaralyq keńesiniń uıymdastyrýymen ótip turady.
