Qazaqstandyq áskerıler Reseıde ótken sporttyq jarysta úshinshi oryndy oljalady (FOTO)

ASTANA. QazAqparat - Reseıdegi Sývorov dıvızııasynyń 76-shy desant aýmaǵynda «Ózara is-qımyl-2015» oqý-jattyǵýyna qatysýshy áskerı qyzmetshiler arasynda sporttyq jarystar ótti. Jarystyń qorytyndysy boıynsha qazaqstandyq áskerı qyzmetshiler úshinshi oryndy ıelendi.

Bul týraly QR QM baspasóz qyzmeti habarlady.

Tańerteń sportshylar jarysty áskerı qoldanbaly sport túri - granata laqtyrý saıysy boıynsha ashty. Osy serpilisten keıin qatysýshylar armııa generaly V.F. Margelov atyndaǵy «Jaýynger» sport zalyna ornalastyrylyp, sportshylar gir tasyn kóterýden, belaǵashtaǵy synnan, voleıbol oıynynan jarystar ótkizdi.

Sonymen qatar qazaqstandyq mergen áskerı qyzmetshilerden quralǵan komanda elektrondy jattyǵý qurylǵysynda klassıkalyq atys boıynsha saıysqa qatysty. Qazaqstandyq áskerıler 100 metrge júzýden jáne 4 jáne 50 metr aralyǵynda estafeta jarysy boıynsha júzý sportynan qarsylastaryna ese jiberdi.

Budan basqa Qazaqstannyń mádenıet kúni ótkizildi. Osy oraıda bizdiń áskerı qyzmetshiler Qazaqstannyń tarıhy jáne qazirgi damýy týraly áńgimeleıtin radıohabar júrgizip, sondaı-aq taqyryptyq kórme men oqý-jattyǵýǵa qatysqan ár eldiń áýeni shyrqalǵan kontsert uıymdastyrdy.