Qazaqstandyq áskerıler arasyndaǵy qylmys azaıyp keledi - S. Abdýllaev
ASTANA. QazAqparat - Qazaqstandyq áskerıler arasyndaǵy qylmys azaıyp keledi. Bul týraly búgin Qazaqstan Respýblıkasy Áskerı sotynyń tóraǵasy Sáken Abdýllaev aıtty.
«2014 jyldyń 12 aıynda garnızondyq áskerı sottarda 335 qylmystyq is qaralǵan. Bul 2013 jylmen salystyrǵanda 12,3%-ǵa az degen sóz. Sondaı-aq, 287 qylmystyq iske úkim shyǵarylǵan, ıaǵnı bul kórsetkish te 2013 jylǵy kórsetkishten 15,3%-ǵa kemigen. Kórsetilgen merzimde 4 qylmystyq is tergeýge joldanyp, 42 adamǵa qatysty 37 is óndirisi qysqartyldy», - dep atap ótti ol.
Tóraǵanyń aıtýynsha, 2014 jyldyń qorytyndysy boıynsha, 103 azamattyq is tirkelip, 3242 aryz túsken. Bul aldyńǵy jylmen salystyrǵanda 23%-ǵa artqan.
