Qazaqstandyq áskerı oqý orynynyń kýrsanttary Máskeýde ótetin paradqa qatysady
Bul týraly QR Qorǵanys mınıstrliginiń baspasóz qyzmetinen habarlady. Osydan 70 jyl buryn, 1945 jyly Uly Otan soǵysynda fashısterdi oısyrata jeńgen aǵa-apalarymyz Jeńis kúni dál osy alańda sap túzep adymdaǵan bolatyn. Áskerı oqý ornynan 74 úzdik kýrsant iriktelip alyndy. Qazirgi ýaqytta kýrsanttar Almatydaǵy turaqty ornalasqan pýnkterde jattyǵý júrgizýde. Kýrsanttar sáýir aıynyń sońynda olar Máskeýge baryp, reseılik áskerı qyzmetshilermen birge jattyǵýlarǵa kirisedi. Aǵymdaǵy jyl Uly Otan soǵysyndaǵy Jeńistiń 70 jyldyq mereıtoıyna arnalǵan aıtýly jyl. QR Qorǵanys mınıstriligi mereıtoıdy atap ótý aıasynda aýqymdy is-sharalardy uıymdastyrýda. Olar áskerı-patrıottyq aktsııalar, qurmet kórsetýler, baıqaýlar jáne basqalardy qamtıdy. Jeńis mereıtoıyn merekeleýdiń sharyqtaý shegi áskerı paradpen jalǵasady.
«7 mamyr kúni «Qazaq eli» Monýmentinde QR QK búkil tarıhyndaǵy aýqymy jaǵynan teńdesi joq eń iri áskerler parady ótedi. Parad bizdiń armııanyń, qoǵamnyń, Qazaqstan halqynyń jaýyngerlik qýatyn, birligin jáne tutastyǵyn kórsete otyryp, egemendi elimizdiń myzǵymas beınesin aıqyndaı túsedi. Qazirgi ýaqytta paradqa qatysýshylar, qarý-jaraqtar men áskerı tehnıkaAstana mańyndaǵy bazalarǵa ornalastyrylǵan. Búginde áskerılerdiń sapty qramy kún saıyn jattyǵýlar ótkizse, al 20 sáýirden bastap mehanıkalandyrylǵan lekter jattyǵýyn bastaıdy. Basty repetıtsııanyń ótýi 2,4 jáne 5 mamyr kúnderi josparlanyp otyr. Bul repetıtsııa QR Qorǵanys mınıstri men QR QK Bas shtaby bastyǵynyń qatysýymen ótedi», - dep atap ótti QR QK Bas shtaby bastyǵynyń orynbasary general-maıor Múslim Altynbaev.
UOS Jeńistiń 70 jyldyǵyna arnalǵan áskerı parad arqyly ardagerlerge, maıdanda qaza bolǵan jaýyngerlerge jáne urys dalasynan aman-esen oralǵan jerlestirimizge degen qurmetti bildiredi.
