Qazaqstandyq áskerı mindettilerdi daıarlaý qyzý júrgizilýde

ASTANA. QazAqparat - QR Qarýly Kúshteri Qurlyq áskerleriniń bólimderinde Qapshaǵaıda, Qaraǵandyda, Semeı men Otarda, sondaı-aq Qaraǵandy, Semeı, Almaty, Taraz jáne Shymken garnızondarynyń áskerı polıtsııa jasaqtarynyń bazasynda áskerı mindettilermen áskerı jıyn qyzý júrip jatyr. Bul týraly QR Qorǵanys mınıstrliginiń baspasóz qyzmetinen habarlady.

Búgingi tańda oqyp-úırenýge budan buryn Qarýly Kúshterde áskerı qyzmet ótkergen jáne zapastaǵy ofıtserler, serjanttar jáne sarbazdar bolyp tabylatyn 1 230 adam keldi. Barlyǵy 28 qazanǵa deıin áskerı-oqytylǵan rezervtiń baǵdarlamalary boıynsha 1 500 adamdy daıyndaý josparlanýda.

Jıyn baǵdarlamasy 2 aptaǵa eseptelingen. Áskerı mindettiler áskerı qyzmetshilerdiń basshylyq etýimen jaýyngerlik daıarlyq pen áskerı istiń erekshelikterin, qarý-jaraq pen tehnıkany ıgeredi. Sonymen qatar tyldyq jáne tehnıkalyq qamtamasyz etýdiń jekelegen áskerı mamandyqtary, radıatsııalyq, hımııalyq jáne bıologııalyq qorǵaý, tárbıe jáne ıdeologııalyq jumystar boıynsha daıyndyq júrgizilýde.

Áskerı mindettilermen áskerı jıyndar áskerı-oqytylǵan rezerv sanynan azamattardan qajet etiletin áskerı daıyndyq deńgeıin ustap turý úshin jıi uıymdastyrylady.

QR QK BSh Uıymdastyrý-jumyldyrý jumystary departamentiniń málimetteri boıynsha 2012 jyly jıynǵa 5 000 áskerı mindetti tartyldy, 2013 jyly 8 000 adam oqyp-úırenýden ótti.

Qatysýshylardyń 80 paıyzynyń turaqty jumysy bar ekenin atap ótken jón. Sondyqtan olardy jıynǵa tarta otyryp, QR Qorǵanys mınıstrligi aılyq eńbekaqysynyń jarty bóligin tóleıdi.