Qazaqstandyq áskerı qyzmetshiler Reseıde ótetin «Ózara is-qımyl-2015» oqý-jattyǵýyna qatysady (FOTO)
QR Qarýly Kúshteriniń atynan UQShU JDUK quramyndaǵy Aeroutqyr áskerleriniń RHBQ jeke batalony barmaq. 41495 áskerı bólimi Qapshaǵaıdan Pskovke ketetin tehnıkalardy tıeý jumystary aıaqtaldy. Sonymen qatar «Ózara is-qımyl» oqý-jattyǵýyna 20-dan astam RHBQ arnaıy tehnıka, sondaı-aq 70-ke jýyq áskerı qyzmetshi tartyldy. Oqý-jattyǵýǵa qatysýshylar arasynda Armenııa, Belarýs, Qazaqstan, Qyrǵyzstan, Reseı Federatsııasy jáne Tájikstannyń áskerı qyzmetshileri bar. Oqý-jattyǵý úsh kezeńnen turady, atap aıtsaq, daıyndyq kezeńi - UQShU Jedel den qoıý ujymdyq kúshterin joǵary áskerı daıarlyqqa keltirý kezindegi bólimshelerdiń is-qımyly, UQShU múshe memleketterdi shoǵyrlandyrý aýdanyna qaıta toptaý. Birinshi kezeń - birlesken operatsııany uıymdastyrý. Bul kezeńde qatysýshylar UQShU Jedel den qoıý ujymdyq kúshteriniń birlesken operatsııalaryna qatysty sheshim qabyldaýdy, birlesken operatsııalardy josparlaýdy jáne ózara is-qımyldy uıymdastyrýdy, ony jan-jaqty qamtamasyz etýdi jáne is-qımyl barysyn basqarýdy, UQShU JDUK kontıgentterin birlesken operatsııalarǵa daıarlaýdy pysyqtaıdy. Ekinshi kezeńde qarýly qaqtyǵysty taratpaý maqsatynda UQShU Jedel den qoıý ujymdyq kúshteriniń kontıgentterin basqarýdy qarastyrady. Qarýly qaqtyǵystar ótken aýdandardy shekteýge jáne turaqty emes qarýly quralymdardy joıýǵa, jaýapty aýmaqtardaǵy mańyzdy obektilerdi kúzetke alýǵa, jedel-izdestirý jáne arnaıy is-qımyldar erekshe nazarǵa alynady. Sonymen qatar temirjol transporttarynyń tótenshe jaǵdaılaryn boldyrmaý, jerlerge radıatsııalyq jáne hımııalyq barlaý jasaý, zardap shekkender men jeke quramdy, qarý-jaraq pen tehnıkany arnaıy óńdeý is-qımylyn pysyqtaıdy. Byltyrǵy jyly bul oqý-jattyǵý Qaraǵandy oblysyna qarasty «Spassk» oqý-jattyǵý ortalyǵynda ótkenin aıta ketken jón. Onda áskerı kontıgentter men UQShU Jedel den qoıý ujymdyq kúshteri arnaıy maqsattaǵy kúshtik quralymdaryn ujymdyq qaýipsizdik aýmaǵynda qoldaný jaıy qarastyrylǵan edi. Armenııa, Belarýs, Qazaqstan, Qyrǵyzstan, Reseı jáne Tájikstannan oqý-jattyǵýǵa áskerı kontıgentter, jedel toptar jáne arnaıy maqsattaǵy kúshtik qurylymdardan jalpy sany 3000-ǵa jýyq adam tartylǵan bolatyn, dep habarlaıdy QR Qorǵanys mınıstrliginiń baspasóz qyzmeti.