Qazaqstandyq áskerı qyzmetshiler Qarataý taýlarynda «dıversantty» qolǵa túsirdi (FOTO)

Tolyq jaýyngerlik jaraqtandyrylǵan 200-den astam jaýynger Qarataý taýlary arqyly bes shaqyrymdyq taý ótkelinen ótti, taýlarda «dıversantty» anyqtaý jáne ustaý elementterin pysyqtady,dep habarlady QR Qorǵanys mınıstrliginiń baspasóz qyzmeti.
«Aıbalta» oqý-jattyǵýynyń bastalýyna barlyq bólimshelerimiz, barsha áskerı qyzmetshiler, qarý-jaraq pen áskerı tehnıkanyń árbir birligi júz paıyz daıyn bolýy tıis», - dedi 85395 áskerı bólimi 5-shi mehanıkalandyrylǵan brıgadasynyń shtab bastyǵy, podpolkovnık Erjan Meıirmanov.
Budan buryn oqý-jattyǵýǵa daıyndalý sheńberinde brıgada mehanıkalandyrylǵan sherý ótkizdi. T-72 tankteriniń, JÁJM-2 jaýyngerlik mashınalarynyń legi, avtomobıldi jáne dóńgelekti tehnıka kúrdeli 50 shaqyrymdy joldy eńserdi.
«Aıbalta-2015» jedel-taktıkalyq oqý-jattyǵýy QR QK Qurlyq áskerleriniń jaýyngerlik ázirligin aýqymdy tekserý bolǵanyn atap ótken jón. 5-shi mehanıkalandyrylǵan brıgadadan basqa aldaǵy oqý-jattyǵýǵa Qurlyq áskerleri áskerı bólimderiniń 20-dan astam bólimshesi, onyń ishinde Aeroutqyr áskerleriniń bólimsheleri qatysady.