Qazaqstandyq áskerı qyzmetshiler Iordanııadaǵy «Warrior-2015» halyqaralyq saıystaryna qatysady (FOTO)
Bul týraly QR Qorǵanys mınıstrliginiń baspasóz qyzmetinen habarlady. «Warrior-2015» arnaıy masqattaǵy toptardyń 7-shi halyqaralyq saıysy sáýirdiń 19-y men 23-i aralyǵynda Ammanda Korol II Abdýllanyń arnaıy operatsııalar oqý-jattyǵý ortalyǵynda ótedi. Qorǵanys mınıstrligi men ózge de kúshtik qurylymdardy quraıtyn qazaqstandyq komandalardan basqa saıysqa 20 elden taǵy 42 komanda qatysady. Favorıtter arasynda AQSh, Reseı, Iordanııa, Kanada komandalaryn jáne Qytaı Halyq Respýblıkasynyń chempıondaryn atap ótýge bolady. Saıys barysynda arnaıy bólimshelerdiń jaýyngerleri atysta, shydamdylyqta, komandada jumys isteýde, shabýyldaý daǵdysynda, taýly daıyndyqta jáne t.b. jarysta myqtylardy aıqyndaıtyn bolady. Qazaqstandyq komandalar osyndaı saıystarǵa ekinshi márte qatysyp otyrǵandyǵyn atap ótken jón. Atalǵan jarysta qazaqstandyq áskerıler jetekshi oryndardyń birin ıelendi. Jyl saıynǵy «Warrior» saıystary 2009 jyldan bastap II Abdýlla arnaıy operatsııalar oqý-jattyǵý ortalyǵynyń jańǵyrtylǵan polıgonynda Iordanııa Qarýly Kúshteriniń bastamasy boıynsha ótkiziledi.
