Qazaqstandyq áskerı qyzmetshiler Halyqaralyq armııalyq oıyndarda ózderiniń sheberlikterin kórsetedi

ASTANA. QazAqparat - TMD elderi Qarýly Kúshteri áskerı qyzmetshileriniń «Halyqaralyq armııalyq oıyndar - 2015» qatysýy búgin Sholpan-Ata qalasynda (Qyrǵyzstan) ótip jatqan Táýelsiz memleketter dostastyǵy qatysýshy memleketter qorǵanys mınıstrleri keńesiniń otyrysynda talqylandy. Bul týraly QR Qorǵanys mınıstrliginiń baspasóz qyzmetinen habarlady.

Osy jáne kelesi jyldary Halyqaralyq armııalyq oıyndardy uıymdastyrý jáne ótkizý úshin TMD-nyń qorǵanys vedomstvalary arnaıy uıymdastyrý komıtetin qurýdy josparlaýda.

Halyqaralyq armııalyq oıyndar - bul biregeı saıys, onyń sheńberinde TMD elderi Qarýly Kúshteriniń áskerı qyzmetshileri alǵash ret dalalyq, áýe jáne teńiz daǵdysy («Tankti bıatlon», «Avıadarts», «Kaspıı teńizi») boıynsha saıysqa túsedi.

Bul jarystarǵa qazaqstandyq áskerı qyzmetshiler qazirden bastap qyzý daıyndalýda. Tankishiler, teńizshiler men ushqyshtar tapjylmaı jattyǵýda jáne joǵary jaýyngerlik kóńil-kúıde.

Qazaqstandy «Tankti bıatlonda» tanytý úshin alty úzdik tankti ekıpaj irikteldi, «Kaspıı teńizi» teńiz bıatlonyna qatysý úshin QR QK ÁTK «Qazaqstan», «Saryarqa» jáne «Oral» sýústi zymyran-artıllerııalyq korablderi, sondaı-aq teńiz jaıaý áskeriniń brıgadasy tańdap alyndy. Qazaqstannyń Áskerı-áýe kúshteriniń jaýyngerlik ushaqtary men tikushaqtarynyń ushý ekıpajdaryn irikteý áli de jalǵasýda.