Qazaqstandyq áskerı qyzmetshi paýerlıftıngten álem chempıony atandy

ASTANA. QazAqparat - Máskeýde «WRPF» versııasy boıynsha paýerlıftıng pen jatyp serpilýden álem chempıonaty ótti, dep habarlaıdy QR Qorǵanys mınıstrliginiń baspasóz qyzmeti.

Onda Qazaqstan Qarýly Kúshteriniń áskerı qyzmteshisi maıor Bolat Búlendın álem chempıonaty atanyp, jańa álemdik rekord ornatty.

Saıysqa álemniń 25 elinen 900-den asa úzdik aýyr atletshi qatysty.

«Búgingi tańda paýerlıftıngten saıys búkil álemde ótýde. Olardyń sany boıynsha AQSh, Anglııa men Reseı kóshbasshy bolyp qalýda. Qazaqstandyqtar arasynda sporttyń bul túri tanymal. Osyǵan qaraı biz de áskerı qyzmetpen birge ártúrli týrnırlerge qatysqymyz keledi. Men osyndaı bedeldi jarystarda bizdiń týdy kótere alatynymdy maqtan tutamyn», - dedi maıor Bolat Býlendın.

Aıta ketý kerek, Bolat Býlendın halyqaralyq dárejedegi sport sheberi, Azııa chempıony jáne Qazaqstan Respýblıkasynyń paýerlıftıng pen jatyp serpilý boıynsha birneshe dúrkin chempıony.