Qazaqstandyq áskerı qyzmetshi beltemirge kúshpen tartylýdan álemdik rekordty jańartpaq

ASTANA. QazAqparat - 43386 áskerı bóliminiń bólimshe komandıri kishi serjant Erjan Ábilmansurov QR QK Qurlyq áskerleriniń áskerı qyzmetshileri arasynda beltemirge eki qolmen kúshpen shyǵý jattyǵýynda úzdik bolyp tabylady.

Ol 1 saǵat 40 mınýt ishinde beltemirge 400 ret aınalyp shyǵady (mınýtyna 25 ret nemese bir qaıtalamada). Alaıda, Erjan munymen toqtamaı, qazir álemdik rekordty jańartý úshin aıanbaı jattyǵý júrgizýde. Áskerı qyzmetshi tipti Gınnestiń rekordtar kitabyna ótinim joldaǵan. Búgingi tańda álemdik rekord reseılik Maksım Trýhanovetske tıesili. Bir qaıtalaýda ol denesin 21 ret kóteredi.

Aıta ketken jón, eki qolmen shyǵý jattyǵýy qazaqstandyq áskerı qyzmetshilerdiń dene daıarlyǵynyń mindetti normatıvteriniń quramdy bóligi, kúshtiń keshendi kórsetkishi. Ol deneni belge deıin kóterýdi qajet etedi. Sondyqtan beltemirge ádettegideı tartylýdan áldeqaıda qıynyraq jáne dene daıarlyǵynyń joǵary deńgeıin, kúsh pen tózimdilikti talap etedi, dep habarlaıdy QR Qorǵanys mınıstrliginiń baspasóz qyzmeti.