Qazaqstandyq áskerı hımıkter Reseıde ótetin Armııa oıyndaryna qatysady (FOTO)
Qorǵanys mınıstrliginiń baspasóz qyzmetiniń habarlaýynsha, qazirgi ýaqytta Qarýly Kúshterdiń radıatsııalyq, hımııalyq jáne bıologııalyq qorǵaý áskerlerinde aldaǵy oıyndarǵa qyzý daıyndyq júrýde.
Áskerı bólimderde Qazaqstanda ótkiziletin týrlarǵa qatysý úshin ekıpajdar irikteldi.
«Baıqaýǵa degen serpilis keremet. Komandamyzǵa halyqaralyq arenada ózderiniń sheberlikterin kórsetip, ózge eldiń RHB qorǵaý áskerleriniń úzdik mamandarymen kezdesýge týra keledi», - deıdi áskerı qyzmetshiler.
Byltyr alǵashqy Armııa halyqaralyq oıyndary ótkenin aıta keteıik. Onyń sheńberinde «Qaýipsiz orta - 2015» radıatsııalyq, hımııalyq jáne bıologııalyq barlaý saıysy ótti. Jarysqa Reseı, Belorýssııa jáne Qytaı áskerı qyzmetshilerinen quralǵan úsh komanda qatysty.
Bıylǵy jyly Armııa halyqaralyq oıyndarynyń serpini odan da aýqymdy bolmaq. Baıqaýdyń tizimi 23-ke deıin ulǵaıdy, al keıbir saıystar Qazaqstanda da ótedi. «Qaýipsiz orta - 2016» baıqaýy birqatar elderdiń RHB qorǵaý áskerleriniń úzdik ókilderiniń basyn biriktiredi. 
