Qazaqstandyq Áskerı-áýe kúshteriniń ushqyshtary «KADEX» kórmesiniń qonaqtaryna sheberlikterin kórsetti (FOTO)
Búgin kórme jumysynyń alǵashqy kúninde ártúrli elderdiń qorǵanys vedomstvolary basshylarynyń arasyndaǵy kezdesýler men kelissózderden keıin qonaqtar men qatysýshylarǵa naǵyz avıashoý kórsetildi. Bul týraly QR Qorǵanys mınıstrliginiń baspasóz qyzmetinen habarlady.
QR Qarýly Kúshteri avıatsııalyq tehnıkasynyń demonstratsııalyq kórsetilimderi bastaldy. Álemdegi eń salmaqty eki qozǵaltqyshy bar tikushaq bolyp tabylatyn, sondaı-aq avıatsııa tarıhyndaǵy salmaqty tikushaqtardyń tizimine kiretin Mı-8 áskerı jańǵyrtylǵan tikushaq óziniń jaýyngerlik qasıetterin pash etti. Sonymen qatar, kók aspanda tarıhı boıaýy bar ıAk-130 oqý-jaýyngerlik ushaǵyn baıqamaý múmkin emes boldy. Bul mashına kóp fýnktsıonaldy, onda QR Qarýly Kúshteri áýe avıatsııasynyń ushqyshtaryn daıyndaıdy. KADEX-2016 kórmesindegi avıashoýǵa qatysyp jatqan tehnıka qazaqstandyq óndiristiń avıatsııalyq kerosıninde aspanǵa kóteriletinin aıta keteıik. Pılotaj toptarynyń qatysýymen avıashoýdy qamtamasyz etý úshin Qazaqstannyń munaı óndirý zaýytymen barlyǵy 405 tonna avıaotyn jáne 670 keli arnaıy suıyqtyq jetkiziledi. «KADEX» kórmesine mundaı demeýshilik qoldaýdy alǵash ret avıaotynmen qamtamasyz etý salasyndaǵy mamandandyrylǵan otandyq kompanııa «QazMunaıGaz-Aero» JShS kórsetip otyr. Barlyq ónim kórme qatysýshylaryna aqysyz negizde usynylady. «KADEX-2016» kórmesi aıasynda avıashoýdyń ótkizilýine baılanysty halyqaralyq áýejaıda ushýlardyń ýaqyttyq rejimi engizildi. Ushýlar kelisilip, úılestirilýde, al áýejaı ádettegi kún tártip boıynsha jumys jasap tur.
