Qazaqstandyq ásker - TMD-nyń úzdik úshtiginiń qatarynda

ASTANA. 29 qarasha. QazAqparat - QR Prezıdenti Nursultan Nazarbaevtyń «Qazaqstan-2050: qalyptasqan eldiń jańa saıası baǵyty» Strategııasynda áskerı múmkindik pen qorǵanys qabiletti arttyrý kerektigi jáne qorǵanys maqsattaǵy mehanızmderge qatysý kerektigi aıtyldy. Atalmysh mindettemeni oryndaý qarýly kúshterden keshendi sharalardy qolǵa alýdy talap etedi. Sonyń ishinde kadrlyq saıasatty barynsha jaqyn arada jáne uzaq merzimdi jetildirýge degen qajettilik te joq emes.

Búginde Qarýly Kúshterdiń damýy áskerı daıyndyqtyń qarqyndy ósýimen ólshenedi. Atap aıtar bolsaq, daıyndyq sharalar sanynyń ósýi, áskerdiń josparly túrde qarý jańartýy. Qazirgi tańda elimizdiń qarýly kúshteri shet elderde bolatyn túrli oqý-jattyǵý sharalarynda sheberlikterin shyńdap, ózge elderdiń qatarynda aldyńǵy lekten kórinedi.

Qazaqstan áskeriniń zamanaýı áskerı tehnıkamen jaraqtanýy jáne aldyńǵy qatarly quraldarmen qamtamasyz etilýi, sonymen qatar, bilikti mamandarmen tolyqtyrylýy, ofıtserlik korpýstyń jan-jaqty damýy ýaqyt kúttirmeıtin másele bolyp tabylady.

Qazaqstan Qarýly Kúshteriniń Joǵarǵy Bas Qolbasshysy N.Nazarbaev áskerılermen bir kezdesýinde aıtqanyndaı, «búgin biz qazaqstandyq áskerdiń XXI ǵasyrdaǵy beınesin qalyptastyryp jatyrmyz. Onyń basty ereksheligi patrıotızm, ıntellektýaldy damý, salaýatty ómir salty bolýy kerek». Otandyq jáne sheteldik sarapshylardyń baǵalaýynsha, Qazaqstan áskeri TMD elderi ishinde úzdik úshtikke enedi, dep habarlady Qorǵanys mınıstrliginiń baspasóz qyzmetinen.