Qazaqstandyq ártister Prezıdentti maqtan tutady - Qydyráli Bolmanov
ASTANA. QazAqparat - Qazaqstandyq belgili ánshi ári prodıýser Qydyráli Bolmanov Nursultan Nazarbaevty Qazaqstan Respýblıkasy Prezıdenti laýazymyna kirisýimen shyn júrekten quttyqtady.
Onyń aıtýynsha, Prezıdentti ulyqtaý kúnin mereke deýge bolady. Nursultan Nazarbaev qazaq mýzykalyq mádenıetiniń qalyptasyp, damýyna ólsheýsiz úles qosqan adam. Sonymen qatar, Q. Bolmanovtyń aıtýynsha, Memleket basshysy keıbir otandyq ártisterdiń ózi bile bermeıtin halyq ánderiniń mátinderin jatqa aıtady.
«Prezıdent barlyq halyq ánderin óte jaqsy biledi. Máselen, merekelerde ol qazaq ánshilerine qandaı da bir ándi aıtyńdar dep ótinish jasaǵanda, keıbireýi ánniń sózderin esterine túsire almaı qalady. Al Nursultan Nazarbaev bárin bilip, aıtyp otyrady. Sondyqtan da ol bizdiń týǵan mádenıetimizge eń qanyq adam dep esepteımin. Sol úshinde de biz, óner adamdary, Prezıdentimizdi maqtan tutamyz», - deıdi Q. Bolmanov.
