Qazaqstandyq ártister «emhanaǵa tirkel» estafetasyn qabyldady

Tolqyn Zabırova, Merýert Túsipbaeva, Myrzahan Mahanov, Baqtııar Taılaqbaev, Juldyzaı Dúısenbaı, Dılnaz Ahmadıeva, Abaı atyndaǵy opera jáne balet teatrynyń ártisteri «Il-Kanto» toby, Venera Alpysbaeva, Nurjan Bajekenov, Bolat Býkenov, Lýına, Nurgúl Nuǵymanovalar emhanaǵa kelip, óziniń mártebesin anyqtady.

«Búgin meniń áriptesterim emhanaǵa kelip, jýrnalısterden estafetany qabyldap jatyrmyz. Adam densaýlyǵyn kútip, baǵalaýy kerek. Ol úshin emhanadaǵy mártebesin teksergen durys. Biz kópshilikke úlgi bolamyz. Men 3 balamdy alyp keldim. Óıtkeni, olardyń ómiri densaýlyǵy úshin jaýapkershilikti sezinemin», - dedi Qazaqstannyń eńbek sińirgen qaıratkeri, estrada jáne opera ánshisi Tolqyn Zabırova.

Ártisterdiń barlyǵy №5 qalalyq aýrýhanaǵa keldi. Munda olardy Qazaqstandaǵy jalǵyz dáriger fonıatr Saltanat Qarymsaqova qabyldady.

Mamannyń aldynan qazaqstandyq ártisterdiń barlyǵy ótkenin aıta keteıik.

Sondaı-aq, aýdıometrııa kabınetine kirgender de az emes. Óıtkeni, ánshilerdiń estý qabiletin sýrdolog mamandar jıi tekserip turady.

«Sýrdolog qos qulaǵymnyń estý qabiletin tekserdi. Men jaqsy estýim kerek. Óıtkeni, qulaq -  kásibı quralym», - dedi T.Zabırova.

Endi belgili tulǵalar estafetany áleýmettik jeli arqyly taratatyn bolady.

Osylaısha qalalyq Densaýlyq saqtaý basqarmasy qala turǵyndaryn meılinshe kóbirek qamtýdy kózdep otyr.

«Medıtsınalyq saqtandyrý júıesi qoljetimdi medıtsınalyq kómek alýǵa, halyq talabyna jaýap bere alatyn densaýlyq saqtaý júıesin qurýǵa, medıtsınalyq qyzmettiń sapasyn qadaǵalaýdy arttyrýǵa múmkindik beretin bolady. Sondaı-aq, halyqtyń qaltasynan jekemenshik emhanalarǵa aqshanyń aǵylýyna tosqaýyl bolmaq», - dedi №5 qalalyq aýrýhananyń bas dárigeriniń orynbasary Ámına Ábdirahmanova.