Qazaqstandyq arnaıy maqsattaǵy jaýyngerler álemdik arenada ekinshi orynǵa ıe boldy (FOTO)
Apta boıy 23 elden jınalǵan 126 komanda 65 shaqyrymdyq marshty ótýden jáne kóptegen jaýyngerlik tapsyrmalardy oryndaýdan ózderiniń sheberlikterin pash etti. Komandalar árqaısysynda 18 komandadan 7 lekke bólindi. Qazaqstandyqtarmen birge marshqa Bosnııa, Danııa, Irlandııadan kelgen bólimsheler men Birikken Patshalyqtyń ártúrli tekteri men ásker túrlerinen bas qosqan 14 komanda qatysty. QR Qorǵanys mınıstrliginiń arnaıy maqsattaǵy bólimshesi atalǵan is-sharaǵa ekinshi márte qatysyp otyr.
«Mundaǵy klımat óte qatal, - dedi qatysýshylardyń biri. Bir apta bolǵan kezimizde biz birde-bir ret kúnniń shýaǵyn baıqamadyq, kúni boıy jańbyr sirkiredi, ár qadam basqan saıyn batpaq, qalyń ný orman».
Uıymdastyrýshylardyń sózine qaraǵanda, ótken jyly qazaqstandyqtar elimizge qola medal ákelgende sharttar jeńilirek boldy.
«2015 jyly biz kezeńdi kúsheıttik, - dep túsindirdi oqý-jattyǵýdy uıymdastyrýshy maıor Djeıms. Ara qashyqtyq 50-den 65 shaqyrymǵa ózgertildi, biz navıgatsııa aspaptaryn qoldanýǵa tyıym saldyq, onyń ústine qatysýshylarǵa birneshe tosynsyı ázirlep qoıdyq».
Negizgi aktsentti uıymdastyrýshylar qarsylastyń ornalasý ornyn áshkereleý, zańsyz qarýly quralymdy joıý, alǵashqy medıtsınalyq kómek kórsetý, kepildikke alynǵandardy bosatý jáne kóshirý, sondaı-aq sý bógetterin buzyp ótý boıynsha tapsyrmalardy oryndaýdan turatyn komandalyq jumysqa burdy. Sáreden keıingi ekinshi táýlikte qazaqstandyq jaýyngerler 13 komandany basa ozyp, saldarynan onyń 8-i qatysýdan bas tartyp, qashyqtyqtan aýytqyp ketti. Nátıjesinde QR QM arnaıy maqsattaǵy áskerı qyzmetshiler ekinshi boldy. Kúmis medaldardy olarǵa Ulybrıtanııa QK 160-shy teńiz jaıaý áskeri brıgadasynyń komandıri tabys etti. Eýropada «Kembrııalyq patrýl» oqý-jattyǵýy eń kúrdeli bolyp sanalady. Bul qashyqtyqty saýsaqpen sanarlyǵy ótedi. Mundaı qashyqtyqty sátti eńserip, júldeli oryndardy ıemdengender kóp emes. QR QM qazaqstandyq arnaıy maqsattaǵy jaýyngerleri armııamyz myqtylar qatarynda ekenin álemdik arenada dáleldep, moıyndatty.
