Qazaqstandyq arnaıy qyzmettiń qatysýymen tájik-aýǵan shekarasynda 12 tonna esirtki tárkilendi

ASTANA. QazAqparat - Ujymdyq qaýipsizdik shart uıymyna múshe 6 eldiń esirtkige qarsy kúres polıtsııasy qyzmetkerleri arnaıy operatsııa aıasynda tájik-aýǵan shekarasynda 12 tonna esirtki tárkiledi, dep habarlady sheteldik BAQ.

«Ońtústik qaqpan» shartty ataýymen uıymdastyrylǵan operatsııa 5 kúnge jalǵasty. Mundaı aýqymdy sharany UQShU-nyń Esirtkige qarsy operatsııa ortalyǵy alǵash ret birlese uıymdastyryp otyr. Oǵan Qazaqstan, Reseı, Armenııa, Belarýs, Qyrǵyzstan jáne Tájikstan arnaıy qyzmetteriniń qyzmetkerleri qatysty. Operatsııa barysynda 10 tonna aýǵan opıaty, 900 keli gashısh, 250 keli geroın jáne shamamen 700 keli marıhýana tárkilendi.