Qazaqstandyq arnalar sheteldik serıaldardy azaıtty
Mınıstr Elbasy qabyldaýynda otandyq serıaldardyń sapasyn arttyrý qajettigi aıtylǵanyn eske saldy.
«Osy aptanyń basynda Memleket basshysynyń qabyldaýynda boldym. Prezıdent telearnalardaǵy serıaldyq ónimderdiń sapasyn arttyrý qajettigine toqtalyp, mass-medıanyń jastarǵa patrıottyq tárbıe berý isinde mańyzdy ról atqaratynyn atap ótti. Elbasynyń tikeleı tapsyrmasy boıynsha Mınıstrlik tarapynan aýqymdy jumystar júrgizilip jatyr», - dedi Dáýren Abaev «Nur Otan» partııasy janyndaǵy «Mıras» respýblıkalyq keńesiniń otyrysynda.
Abaevtyń aıtýynsha, 2017 jyly otandyq arnalarymyz shet eldik serıaldardyń ýaqytyn eki jarym myń saǵatqa qysqartqan jáne mınıstrliktiń tapsyrysymen 40 otandyq serıal túsirilgen.
Onyń ishinde «Qazaqstan» telearnasy - 15, «Habar» - 13 serıal, ózge kommertsııalyq arnalar - ártúrli janr men taqyryptyq baǵyttardy qamtıtyn 12 telehıkaıa ázirlegen.
«Ózderińiz bilesizder, 20 ǵasyrdyń basyndaǵy tarıhı oqıǵalardy qamtıtyn «Tar zaman» tolyq metrajdy kórkem fılmi qazir elimizdiń kınoteatrlarynda kórsetilip jatyr. Sonymen qatar, 17-shi ǵasyrdyń basyndaǵy qazaq batyrlarynyń ómirin baıandaıtyn «Batyrlar joly» serıalyn kórermen nazaryna usynamyz. «Astana» telearnasynan «Asyl arman» atty 60 serııaly melodrama jaryqqa shyqty. Kórermen jyly qabyldady. «KTK» telearnasy arnaıy jasaq qyzmetkerleri týraly «Krasnyı ýroven» shytyrman hıkaıasyn túsirdi. Bul tizimge «Aýyldastar», «31-shi bólimshe» serıaldaryn qosýǵa bolady», - dep sózin túıindedi mınıstr.
Foto:koreabizwire.com
