Qazaqstandyq armrestlıng boıynsha álem birinshiligin jeńip aldy
ASTANA. 17 qyrkúıek. QazAqparat - Qazaqstandyq Olga Shlıjevskaıa Polshada armrestlıng boıynsha álem birinshiligin jeńip aldy, dep habarlady Vesti.kz saıtynan LIFETIME sport klýbynyń baspasóz qyzmetine silteme jasap.
Jarys Gdynıa qalasynda ótken. Álem birinshiligine álemniń 44 elinen myńnan asa sportshy qatysty. Shlıjevskaıaǵa 65 kılogramdyq salmaqta eshkim teńese almady.
Shlıjevskaıa - Qazaqstannyń birneshe dúrkin chempıony jáne 15 márte Azııa chempıony. Onyń qorjynynda 2009 jylǵy álem chempıonatynyń qola medali taǵy bar.
