Qazaqstandyq armııashylar Taılandtaǵy grek-rım kúresinen álem chempıonatynda úsh «qola» júldeni jeńip aldy (FOTO)

ASTANA. QazAqparat - Aqpannyń 17-i men 21-i aralyǵynda Taıland astanasy Bangkok qalasynda kúrestiń úsh túrinen - grek-rım, erkin jáne áıelder kúresinen Azııa chempıonaty ótýde. Eki kúngi jarystyń qorytyndysy boıynsha AOSK komandasynyń sportshylary grek-rım kúresinen júldeli orynǵa ıe boldy.

59 keli salmaqta qola júldeni 2015 jylǵy SIZM Búkilálemdik armııa oıyndarynyń chempıony QR QK qyzmetkeri Meırambek Aınaǵulov ıelendi. Jartylaı fınalda Taılandtyń sportshysy Rıtısak Pravand jeńilip qaldy.

QR QK qyzmetkeri Darhan Baıahmetov 71 keli salmaqta qola júldeni qanjyǵasyna baılady. Úshinshi oryn úshin kúres barysynda ol Túrkimenstandyq Dıdar Amannazarovty 11:2 esebimen oısyrata jeńdi.

80 keli salmaqta qola júlde úshin baq synasýda halyqaralyq dárejedegi sport sheberi efreıtor Ashat Dilmuhamedov Qytaıdyń palýanyn merzimnen buryn jeńdi.

Budan ózge, 2016 jylǵy aqpannyń 18-i men 20-y aralyǵynda Antalııa qalasynda taekvondodan IV Eýropa chempıonaty ótti. Jarysqa álemniń 40 elinen 700-den astam sportshy qatysýda. Chempıonat barysynda QR Qorǵanys mınıstrligi Armııa ortalyq sport klýbynyń sportshylary júldeli oryndarǵa ıe boldy.

Sonymen, Qazaqstan Respýblıkasynyń taekvondodan sport sheberi kishi serjant Almas Muqajanov 5 kezdesý ótkizip, 63 keli salmaqta kúmis medalǵa ıe boldy.

87 keliden joǵary salmaqta QR sport sheberi, kelisimshart boıynsha qatardaǵy jaýynger Rýslan Japarov chempıonattyń qola júldegeri atandy. Jartylaı fınalda ol taekvondodan álem chempıony ázirbaıjandyq sportshydan jeńilip qaldy.