Qazaqstandyq armııanyń damyǵany bizge kórinip tur - general-maıor Oleg Dvıgalev (Belarýs) (FOTO)
Áýe qorǵanysy kúshteriniń bas qolbasshysy avıatsııa general-maıory Nurlan Ormanbetov TMD elderiniń áýe shabýylyna qarsy qorǵanys júıesin qamtamasyz etý aıasynda áskerı yntymaqtastyq sheńberinde Belarýs Respýblıkasy Qarýly Kúshteri Áskerı-áýe kúshteri jáne Áýe shabýylyna qarsy qorǵanys áskerleriniń qolbasshysy general-maıor Oleg Dvıgalevpen resmı ekijaqty kezdesý ótkizdi.
Belarýs áskerı qyzmetshileri QR QK damýy jáne Áýe qorǵanysy kúshteriniń jaýyngerlik daıarlyq máselelerimen tanysty. Taraptar UQShU múshe memleketteri ÁShQQ óńirlik júıeleriniń qurylýy men damýyn talqylady. Nurlan Ormanbetov kelissózder ýaqytynda belorýs áriptesterimen yntymaqtastyq jasaı otyryp, qorǵanys ónerkásibinde belgili bir ózindik jetkiliktilikke qol jetkizý úshin «biz senimdilik pen ózara túsinistikti nyǵaıtamyz» dep qadap aıtty.
Belorýs delegatsııasy tájirıbe almasý úshin QR QK ÁQK ÁShQQ áskerleri men áskerı-áýe kúshteriniń áskerı bólimderin usyndy. Bas komandalyq pýnktine, avıatsııalyq bazalarǵa jáne áýe shabýylyna qarsy qorǵanys brıgadasyna barǵan kezde eki eldiń ókilderi ÁShQQ birikken júıesi sheńberinde birlesip ÁShQQ áskerleriniń jaýyngerlik kezekshilikti uıymdastyrýy jáne atqarýy, sondaı-aq qarý-jaraq pen áskerı tehnıkanyń jaı-kúıi men damytý perspektıvalary máseleleri boıynsha tájirıbe almasty. Belarýs Respýblıkasy QK áskerı qyzmetshilerine qazaqstandyq armııanyń basymdyq mindetteri týraly áńgimeledi. Onda negizgi kúsh-jiger shoǵyrlandyrylǵan: qarý-jaraq pen áskerı tehnıkanyń jańa úlgilerin satyp alý perspektıvalary, avıatsııalyq parkti kúrdeli jóndeý men jańǵyrtý jáne basqarýdyń kóp deńgeıli avtomattandyrylǵan júıesin qurý. «Qazaqstandyq armııanyń damýy men jetildirilýi bizge kórinip tur. Kadrlardy daıarlaý joǵary deńgeıde uıymdastyrylǵan, jeke quram oqyp-úıretilgen jáne óziniń bilimin is júzinde kásibı qoldanady. Qazaqstannyń jerinde kezdesýimiz bizge jaqsy baǵdar beredi. Onyń ústine tájirıbe almasý, sizderdiń tájirıbelerińizden ilip alarlyqtaı bir nárse alý jáne yntymaqtastyqtyń perspektıvalaryn talqylaý óte mańyzdy. Ári qaraıǵy perspektıvada qazaqstandyq áriptestermen nátıjeli yntymaqtastyq jasaıtyn bolamyz», - dedi kezdesý sońynda Belarýs Respýblıkasy QK ÁShQQ áskerleri jáne áskerı-áýe kúshteriniń qolbasshysy general-maıor Oleg Dvıgalev.