Qazaqstandyq armııada ofıtserlik quramdy attestattaý ótedi

ASTANA. QazAqparat - QR Qorǵanys mınıstriniń orynbasary Talǵat Muhtarov ofıtserlik quramdy attestattaý máselesi boıynsha keńes ótkizdi, dep habarlady vedomstvonyń baspasóz qyzmeti.

«Zańnama erejelerin bilý boıynsha testileýmen qatar ofıtserlerdi attestattaý baǵdarlamasyna psıhologııalyq testileý, jemqorlyqqa qarsy zańnamany bilý boıynsha testileý, sondaı-aq kásibı jáne deneshynyqtyrý daıyndyǵy synaqtary kirdi», - delingen habarlamada.

Atap ótilgendeı, barlyq jańa engizýler attestattaýdyń jarııa ótkizýge, ofıtserlik quramnyń tıimdi rezervin qalyptastyrýdy qamtamasyz etýge baǵyttalǵan.

Attestattaý aıasynda tórt áskerı bólimniń bazasynda ofıtserlik quramdy baǵalaýdyń reıtıngtik júıesiniń synaqtary ótkiziledi.

T.Muhtarov ofıtserlerdiń kásibı ósýi de, QR Qarýly kúshteriniń damýy da attestattaý sapasyna baılanysty ekenin atap ótti.