Qazaqstandyq armııa tarıhynda tuńǵysh ret ofıtserler jıynyna zańgerler tartyldy
Bul týraly QR QM baspasóz qyzmetinen habarlady.
Qazaqstan armııasynyń tarıhynda jıynǵa tuńǵysh ret Qarýly Kúshterdiń qurylymdary men áskerı bólimderiniń, áskerı oqý oryndarynyń, qorǵanys isteri jónindegi departamentter men aýdandyq paıdalaný bólimderiniń zań ókilderi tartyldy.
Kezdesý kezinde, Qarýly Kúshterde zańdy buzbaýdy qamtamasyz etý jónindegi Qorǵanys mınıstrligi basshylyǵynyń talaby áskerı zańgerlerge jetkizildi. Áskerı qyzmet atqarý, áskerı qyzmetshilerdi turǵyn úımen qamtamasyz etý, memlekettik satyp alý, aryz-shaǵym jumystaryn júrgizý suraqtary boıynsha sabaqtar ótkizildi.
«Jıyn barysynda dene tárbıesi, atys daıyndyǵynan synaqtar ótti. Áskerı zańgerlerdiń daıyndyq deńgeıin anyqtaý maqsatynda qorǵanys jáne áskerı qyzmet máseleleri tóńireginde normatıvtik-quqyqtyq aktiler boıynsha test qabyldandy. Jıyn qorytyndysy boıynsha áskerı zańgerlerge kelesi jıyndy josparlaý úshin áskerı qyzmet, rotatsııa, lektorlarmen jıyn, sharalar uıymdastyrý jóninde saýalnama ótkizildi» - dep atap ótilgen taratylǵan habarlamada.
Jergilikti jerlerdegi zań bólimsheleri ofıtserleriniń jumys sapasynyń jaqsarǵany baıqaldy. Úzdik áskerı zańgerler Qazaqstan Respýblıkasy Qorǵanys mınıstriniń gramotalarymen, baǵaly syılyqtarmen marapattaldy.