Qazaqstandyq armııa otandyq óndiristiń shtabtyq mashınalarymen tolyqtyrylýda (FOTO)

ASTANA. QazAqparat - Qazaqstan Respýblıkasynyń Qarýly Kúshterine «Qazaqstan ınjınırıng» UK» AQ-tyń quramyna kiretin «Kamaz ınjınırıng» AQ óndirisiniń tirkemesi bar shtabtyq mashınalardy jetkizý retke keltirildi. Onyń ishinde ótken jyly kásiporyn qazaqstandyq armııany osyndaı mashınalar men tirkemelerdiń 10 birligimen qamtamasyz etti. Bul týraly QR Qorǵanys mınıstrliginiń baspasóz qyzmetinen habaraldy.

Bul mashınalar arnaıy jabdyqty ornalastyrý, tasymaldaý, iske qosý jáne paıdalaný, jerde ornalastyrý jáne jumysty qamtamasyz etý men dalalyq jaǵdaılarda komandalyq quram laýazymdy adamdarynyń turýy úshin arnalǵan.

2016 jyly zaýyt tirkemesi bar jańǵyrtylǵan shtabtyq mashınalardy qurastyrý boıynsha jobany iske asyrýdy josparlap otyr.

Kásiporyn tehnıkalyq erekshelik jobasyn ázirlep qoıdy. Qazirgi kezde atalmysh joba Qazaqstan Respýblıkasynyń Qorǵanys mınıstrliginde qaralýda.

Jalpy alǵanda, 2005-2015 jyldar ishinde «Kamaz ınjınırıng» aktsıonerlik qoǵamynyń alańynda, onyń ishinde Qazaqstan Respýblıkasy qorǵanys vedomstvosynyń muqtajdyǵy úshin ártúrli arnaıy tehnıkalar ıgerildi. Barlyq derlik, zaýyttyń óndiretin ónimi respýblıkanyń ishki naryǵynda iske asyrylady.

«Kamaz ınjınırıng» AQ - júk mashınalaryn, samosvaldar men KAMAZ shassıindegi arnaıy tehnıkany qurastyrý boıynsha Kókshetaýdaǵy iri birlesken qazaqstandyq-reseılik kásiporyn ekenin aıta keteıik.