Qazaqstandyq ardager fýtbolshylar «Ańyzdar kýbogynda» qola júldege talasady
NUR-SULTAN. QazAqparat - Fýtboldan elimizdiń ańyzdar quramasy «Ańyzdar Kýbogy» týrnırinde qola júldege talasady, dep habarlaıdy QazAqparat tilshisi.
Atalǵan týrnırde qazaqstandyq ardager fýtbolshylar eki oıyn óktizdi. Aldymen Reseıge 4:8 esebimen jol berse, odan keıin Juldyzdar quramasymen 4:4 esebimen teń oınady.
Juldyzdar quramasy Reseıge 4:11 esebimen jeńilgen edi.
Nátıjesinde qazaqstandyq qurama óz tobynda úshinshi oryn aldy. Endi olar 11 qyrkúıekte úshinshi oryn úshin saıysqa túsedi.
Qurama sapynda Davıd Lorııa, Almat Bekbaev, Samat Smaqov, Nurbol Jumasqalıev, Qaırat Nurdáýletov, Farhadbek Irısmetov, Edýard Sergıenko, Sergeı Skoryh, Marat Haırýllın, Ulyqbek Asanbaev, Qaırat Áshirbekov oıyn kórsetti.
Aıta ketsek, atalǵan týrnır Reseı astanasy Máskeý qalasynda ótkizilýde. Bıylǵy jarysqa Qazaqstannan ózge Reseı, Túrkııa, Juldyzdar jáne Brazılııa quramalarynyń burynǵy oıynshylary qatysýda.
Eske salsaq, fýtboldan Qazaqstan birinshiliginde bes oıyn ótkizildi.
Foto: vk.com/kuboklegend
